Andrej Chadanovič Basio Siarhiej Pataranski Andrej Antonaŭ Uładzimier Arłoŭ Adam Hlobus Maksim Klimkovič Maksim Tank Uładzimier Siŭčykaŭ Uładzimier Ściapan Mirasłaŭ Šajbak Viktar Šnip [Biełaruski avangard] choku vieršy haścioŭnia pra prajekt
  
  [Biełaruski avangard]
  
  
 
  choku  
 
   
   
   
   
   
   
   
   
   
   
   
   
   
   
 
[кірыліцай]





 

Mirasłaŭ Šajbak


* * *
Kudy ž ty viadzieš,
śled, pakinuty na śniezie
vialikim źvieram?



* * *
Jakija ž ludzi
drobnyja na biaźmiežnym
zimovym poli...



* * *
Miesiac-pavučok
tče pavutu z halinak.
Zimovy skveryk.



* * *
Zapisaŭ słovy
na śniezie, niachaj hinuć
pad promniami ciapła.



* * *
Z radyjataram
pavitaŭsia ŭ padjeździe.
Lutaŭski viečar.



* * *
Zaviei, śnieham
nie zasypajcie ŭnočy
našyja bramy.



* * *
Pryjemna hladzieć,
jak na čornaj panivie
smažycca bulba.



* * *
Zimovaja noč.
Pad pieśni pryjomnika
vypiŭ harbaty.



* * *
Cyharetny dym:
u pavietry papłyli
šeryja kvietki.



* * *
Peŭna, učora
hladzieŭ na śnieh - dy raptam
katki na vierbach.



* * *
Biaskonca b jechaŭ
u kodabie mašyny
praź viasnovy les.



* * *
Pierabiraju
kamieńčyki ružanca -
pryjemny choład.



* * *
Kusty čaromchi.
Čyrvań na biełych kvietkach -
koler śvitanku.



* * *
Stromki zavułak.
Žvir rypić pad nahami.
Imža... Dzień... Ciažka...



* * *
Pravioŭ rukoju
pa śviežaj atynkoŭcy,
pryjemny choład.



* * *
Žučok-prusačok,
našto tak śpiašajeśsia
schavacca chutčej?



* * *
Kusty parečki.
Kolki jahad tut! Pobač
vosy viaducca.



* * *
Nad kaniušynaj
ciažka hudzie čorny čmiel,
šmat pracy jamu.



* * *
Pad hrušaj staroj
loh žaŭnier, skinuŭ boty,
vočy zapluščyŭ.



* * *
Chto mnie padkaža
hetaj kvietački nazvu?
Słuchaju viecier.



* * *
Hniłaja doška.
Kolki dziračak u joj
šašal natačyŭ!



* * *
Ci viedaje jon,
kamień na dnie rečki,
letniuju śpioku?



* * *
Žnivieński viecier.
U anučy na płocie
vyraśli kryły.



* * *
Čorny matylok.
Što šukaje jon? Moža,
čornuju kvietku?



* * *
Ściažynka ŭ poli.
Koniki sucha źviniać
na ciopłym piasku.



* * *
Kudy ž, tapoli,
vy pajšli čaradoju,
uzdoŭž darohi?



* * *
Vierabiej lacić,
nie schavajecca ŭ travie
bieły matylok.



* * *
Letnim viečaram
kožny lichtar nad šašoj
kliča matylkoŭ.



* * *
Viecier. Voziera.
Cicha čoŭn pusty płyvie.
Sonca sadzicca.



* * *
Zapaliŭ śviatło:
napałochanaja myš
źnikła ŭ ščylinie.



* * *
Žoŭtaje liście
viecier na hanak prynios.
Jak pierastupić?



* * *
Drevy ŭ tumanie?
Nie, heta palać liście
vosieńskim rankam.



* * *
Łapki jełačak
mnie vorahami stali.
Źbiraju hryby.


[1] [2] [3] [4]


  
  
  [choku] [vieršy] [haścioŭnia] [pra prajekt] [hałoŭnaja] [navierch]  
  
  

  
Hosted by uCoz