Andrej Chadanovič Basio Siarhiej Pataranski Andrej Antonaŭ Uładzimier Arłoŭ Adam Hlobus Maksim Klimkovič Maksim Tank Uładzimier Siŭčykaŭ Uładzimier Ściapan Mirasłaŭ Šajbak Viktar Šnip [Biełaruski avangard] choku vieršy haścioŭnia pra prajekt
  
  [Biełaruski avangard]
  
  
 
  choku  
 
   
   
   
   
   
   
   
   
   
   
   
   
   
   
 
[кірыліцай]





 

Uładzimier Ściapan


* * *
Leśvica. Dźviery.
Doŭha staju. Słuchaju.
Mama śpiavaje.



* * *
Vočy zapluščyŭ -
pach listoty ŭ pakoi,
viecier za vaknom.



* * *
Javar čyrvony
ubačyŭ by pieršy śnieh,
kali b nia viecier.



* * *
Tramvaj praźvinieŭ -
znoŭ cišynia navokał...
Słuchaju viecier.



* * *
Ślady na piasku:
ptušak, ludziej, ślimakoŭ -
chvali zmyvajuć.



* * *
Znoŭ sustreŭ jaje,
z košykam žoŭtych ślivaŭ
da balnicy jšła.



* * *
Leśvica z došak
u draŭlanaj zvanicy.
Ściortyja schody.



* * *
Niechta pakinuŭ
viadro z vadoj la ściany.
Rudaja trava.



* * *
Hladžu viečarami
na kamień i rakaŭku,
što z mora pryvioz.



* * *
Pavuta lacić.
Praz srebra nitak lohkich
hladžu na nieba.



* * *
Pa leśvicy źbieh
list u abdymkach vietru,
nasustrač zimie.



* * *
Ciomna ŭ pakoi.
Padaje, padaje śnieh
na susiedni dach.



* * *
Stancyja "Lipa".
Pachnie skošanaj travoj
navat sini dym.



* * *
Čakaju maci.
U maŭklivym padjeździe
słuchaju kroki.



* * *
Lichtar zhasaje -
jarčeje koła poŭni
na hołym drevie.



* * *
Žoŭtyja zory
na čornaj vadzie lažać -
z klonaŭ upali.



* * *
Čujny dźmuchaviec
vartuje son vietru
u čystym poli.



* * *
Haŭbiec adčyniŭ -
doždž staić u parozie,
prazrysty, jak cień.



* * *
Jak sumna haryć
zorka ŭ ranišnim niebie -
zorka Venera.



* * *
Znoŭ zasynaju
i pračynajusia znoŭ
nočču chałodnaj.



* * *
Ściana. Kołki drot.
Varonu viecier zahnaŭ
pad hetu ścianu.



* * *
Radasny hołas
z vulicy viecier prynios -
hołas dziciaci.



* * *
Tolki šery dom
dy bieły śnieh chałodny -
baču za vaknom.



* * *
Pryciemki. Vosień.
Vohniennaj viežaj dryžyć
lipa na ŭźlesku.



* * *
Stary, stary dom.
Ściorsia błakitny numar,
viedaju - siomy.



* * *
Chvali zaviei
śled padchapili bieły -
śled na darozie.



* * *
Halinu kranuŭ -
padaje list barvovy
na čorny asfalt.



* * *
Znojdzie na bruku
chłopčyk kaštan vilhotny
i zaŭśmichajecca.



* * *
Śvietły zołki dzień.
Kroplaj irtuci dryžyć
sonca ŭ hardzinie.



* * *
Połymia-liścik
z knotu haliny lacić
u vosieński zmrok.



* * *
Kudy lacicie
skroź śniahi i tumany,
małyja ptuški?



* * *
Čystaja vada
abmyvaje dałoni,
miž palcaŭ ciače...



* * *
Načnyja huki:
ci doždž, ci viecier, ci ryp...
I ja miž imi.



* * *
Suciešyć viecier
hołaje dreva zimoj -
śnieham zasyple.



* * *
Doŭha prymiervaŭ
rudy, vialiki šynel...
Siabie nie paznaŭ.



* * *
Na śpinie lažu
z vačyma adkrytymi...
Chutka ranica.



* * *
Biełyja chmary
nad čornymi drevami
stajać, jak hory.



* * *
Kusty čaromchi.
Viecier ciopły nalacieŭ -
biełych kvietak šept.



* * *
Stareńki rovar,
valizka z chlebam, košyk -
stajać la słupa.



* * *
Vakno. Kryž ramy.
Čutna, jak mucha hudzie.
Stoł. Posud pusty.


  
  
  [choku] [vieršy] [haścioŭnia] [pra prajekt] [hałoŭnaja] [navierch]  
  
  

  
Hosted by uCoz